शिखर पावर डेभलपमेन्टको आईपीओ आज (मंगलबार) बाँडफाँट भएको छ। कम्पनीको बिक्री प्रबन्धक ग्लोबल आइएमई क्यापिटलको कार्यालयमा भएको बाँडफाँटमा १ लाख ८४ हजार २६० आवेदकले १० कित्ताका दरले सेयर पाएका छन्।
यस आईपीओमा कुल २६ लाख ८७ हजार ३४७ जनाले २ करोड ८८ लाख १६ हजार ९९० कित्ताका लागि आवेदन दिएका थिए। जसमध्ये २६ लाख ५० हजार ८४७ आवेदन स्वीकृत भएका छन् भने बाँकी ३६ हजार ५०० आवेदन रद्द भएका बिक्री प्रबन्धकले जानकारी दिएका छन्।
कम्पनीले फागुन १७ गतेदेखि फागुन २६ गतेसम्म सर्वसाधारणका लागि आईपीओ बिक्री गरेको थियो। कम्पनीले १०० रूपैयाँ अंकित मूल्यका कुल १८ लाख ४२ हजार ६०० कित्ता आईपीओ जारी गरेको थियो।
